Planforslag Slæn – Haugsvik til høyring og offentleg ettersyn
Prosjektområde Illustrasjon: Geodata AS
Statens vegvesen i samarbeid med Voss herad la 22. januar ut forslag til reguleringsplan for E16 Slæn - Haugsvik til høyring og offentleg ettersyn i høve Plan- og bygningslova §12-10.
Det skriv Statens vegvesen på sine nettsider
Reguleringsplanen vert handsama etter §3-7 i Plan- og bygningslova. Det betyr at Statens vegvesen utarbeidar og legg reguleringsplanen ut til offentleg ettersyn, medan Voss herad slutthandsamar og vedtek planen.
Føremål
Prosjektet er eit trafikksikkerheitsprosjekt som har som føremål å betre trafikksikkerheita og framkoma på den om lag 1,4 km lange strekninga eksisterande strekninga i Voss herad mellom Slæn i aust og Haugsvik i vest. Breidda blir utvida langs eksisterande E16, det skal etablerast forsterka midtoppmerking og sideterrenget skal gjerast trygt for utforkøyringar. Prosjektet har også sett på avkøyringstilhøve og utbetra kollektivpunkta på strekninga.